ئابغانىستان تاشقى ئىشلار مىنىستىرى مەۋلىۋى ئامىرخان مۇتتەقى ئۆزىنىڭ مەنسەپدىشى ،خىتاي تاشقى ئىشلار مىنىستىرى ۋاڭيى بىلەن كابۇلدا ئۇچرىشىپ ، ئوخشاش بولمىغان ساھەلەردە ئىككى تەرەپ ھەمكارلىقىنى كېڭەيتىشنى مۇزاكىرە قىلدى.
ئافغانىستان تاشقى ئىشلار مىنىستىرلىكىنىڭ بىلدۈرۈشىچە ،مۇتتەقى ئىككى دۆلەت ئارىسىدىكى مۇناسىۋەتلەرنىڭ تەرەققى قىلىۋاتقانلىقىنى بىلدۈرۈپ، خىتاي ئافغانىستاننىڭ بىر مۇھىم سودا شېرىكى ئىكەنلىكى ، ئىككى دۆلەت ئارىسىدىكى سودىنىڭ بىر مىليارد دوللار ئەتراپىغا چىققانلىقى ۋە ئۇ بۇ ساننىڭ يېقىن كەلگۈسىدە تېخىمۇ ئېشىشىنى ئۈمىد قىلىدىغانلىقىنى بىلدۈردى.
مۇتتەقى يەنە ئافغانىستان تۇپراقلىرىنىڭ قوشنا دۆلەتلەرگە قارشى قەتئىي ئىشلىتىلمەيدىغانلىقىنى قايتا تەكىتلىدى. ئۇ قاتناش، بانكىلار ئارا مۇناسىۋەت ۋە سودا قاتارلىق ساھەلەردە ئىقتىسادى ھەمكارلىقنى كۈچەيتىشنىڭ ئەمىلى تەكلىپىنى ئوتتۇرىغا قۇيۇش بىلەن بىر ۋاقىتتا ،ھۆكۈمەتلەر ئارا كومىسيونلار ئارقىلىق يېقىندىن ھەمكارلىشىشقا چاقىردى.
خىتاي تاشقى ئىشلار مىنىستىرى ۋاڭيى بولسا ، ئىككى تەرەپ مۇناسىۋەتلىرىنىڭ كېڭىيىۋاتقانلىقىنى بىلدۈرۈپ ، ئافغانىستاننىڭ خىتايغا بولغان ئېكىسپورتىنى ئاشۇرۇش ئۈچۈن ، ئىككى دۆلەتنىڭ مۇناسىۋەتلىك ئورگانلىرىنىڭ ئۆزلۈكسىز كۈچ چىقىىرىۋاتقانلىقىنى گەۋدىلەندۈردى. ئۇ يەنە قۇشۇمچە قىلىپ ، بېيجىڭ ئۆزىنىڭ «بىر بەلباغ، بىر يول» لاھىيەسىگە ئافغانىستان نىڭ رەسمى قوشۇلۇشىنى ئىستەيدىغانلىقىنى بىلدۈرۈپ، مىنېرال بايلىقلارنى چارلاش ۋە قېدىرىش ئىشلىرىدا ھەمكارلىق قىلىشنى تەكىتلىدى.
ۋاڭيىنىڭ بىلدۈرۈشىچە ، خىتاي ئەمىلى كان مەشغۇلات ئىشلىرىنى مۇشۇ يىل ئىچىدە باشلايدۇ ھەمدە ئافغانىستانغا بېرىلىدىغان سىياسى ۋە ئىقتىسادى ياردەمنى داۋاملاشتۇرىدۇ. ئۇ يەنە، ئافغانىستاننىڭ يېزا ئىگىلىك ۋە باشقا مەھسۇلاتلىرىنى خىتايغا ئېكسپورت قىلىشىدىكى توسالغۇلارنى ئېلىپ تاشلاش ئۈچۈن ،تىرىشچانلىق كۆرسىتىدىغانلىقىنى ۋەدە قىلدى.
ئەسكەرتىش: شەرقىي تۈركىستان ئۇلۇسال مەنپەئەت تور بېتىدىكى مەزمۇنلارنى مەنبەسىنى ئەسكەرتىپ تارقاتسڭىز بولىدۇ. بىزنى قوللىغانلىقىڭىز خەلىقىڭىزنى قوللىغانلىقىڭىزدۇر، رەھمەت.
